السيسي عن علاج فتاة أسيوط: «كلامي هيزعل وزيرة الصحة»
تحدث الرئيس عبدالفتاح السيسي، عن فتاة أسيوط التي دهستها سيارة، موجها حديث للإعلامي شريف عامر، قائلا: «انت فاكر يا استاذ شريف لما ألاقي منة تطلب علاجها في أسيوط، احنا مش قادرين نقدم علاج فبنقدم علاج تمييزي؟ علاج تمييزي يعني في أسيوط مش بتتعالج البنت كويس، ويبقى فيه استغاثة ومطلوب إننا نتدخل عشان تتعالج، دة كلام؟ هو فيه دولة كدة؟ العلاج يتقدم لأي إنسان وأي مستوى».
وأضاف «السيسي»، خلال الحلقة النقاشية «حقوق الإنسان الحاضر والمستقبل» ضمن فعاليات إطلاق الاستراتيجية الوطنية الأولى لحقوق الانسان، «دة حق، طب أنا قدرت أقدمه؟ أنا بتكلم بعد 7 سنين، هل قدرت أقدمه؟ مقتدرتش ومش قادر أقدمه، ممكن وزيرة الصحة تزعل، استهدفت بمبادرات، وقولت هخش على قضايا بعينها أحلها، فيروس سي، أشيل من المجتمع المرض دة بفضل الله، أخش على حاجات أخرى زي الكشف عن أمراض السارية وغير السارية، ما أنا مش قادر أعمل كله».
وتابع: «المفروض النظام باللي موجود في الدولة دي يحل مسائل الدولة المصرية، الدكتور مصطفى هيزعل مني ووزيرة الصحة والحكومة، لأ احنا بننقد ذاتنا وأمناء مع نفسنا».
