“الإفتاء” تحدد قيمة زكاة الفطر هذا العام
حددت دارالإفتاء المصرية قيمة زكاة الفطر لهذا العام، والتى يحرص المسلمون على إخراجها كل عام خلال شهر رمضان الكريم وقبل عيد الفطر.
وقالت “الإفتاء”، على صفحتها الرسمية بموقع التواصل الاجتماعي “فيسبوك”: “حسبناها على القمح اللى بيتعمل منه العيش اللى كل الناس فى مصر بتاكله طيب سعر أردب القمح كام ٩٠٠ جنيه، والأردب فيه ١٥٠ كيلو، يبقى سعر الكيلو كام ٦ جنيهات، طيب والزكاة أد إيه صاع من قمح، طيب الصاع يساوي كام كيلو طلع يساوي ٢.٠٤ كيلو، يبقى نضرب ٢.٠٤ كيلو * ٦، يطلع الناتج ١٢.٢٤ جنيه، ودار الإفتاء قالت إنه ١٥ جنيه”.
وأضافت: “يعني كمان مزودين عن السعر بشويه بحيث اختلاف الأسعار في الأردب و ١٥ جنيه الحد الأدنى يعني طلع أكتر من ١٥ جنيه لو معاك ودخلك يسمح لك، بس اللى مش هيقدر فأقل حاجه يطلعها عن الفرد ١٥ جنيه”.
وأوضحت الدار أنها تخرج قبل صلاة العيد ويجوز إخراجها من أول يوم في رمضان.
