استمع للمقالتناول الرئيس عبد الفتاح السيسي، الأزمة المثارة حول قناة السويس في الأيام الأخيرة، وشائعات بيع المجرى الملاحي.
وقال الرئيس السيسي، خلال كلمته في افتتاح مشروعات جديدة في مجمع الصناعات الكيماوية بمحافظة الجيزة،: “مش انتوا من كام يوم حصلت موجة كبيرة جدا على الصندوق الاستثماري بتاع هيئة قناة السويس، بالله العظيم ده حلم الناس.. لازم تعرف الحكاية، لما جه الفريق أسامة في 2019 بقوله قولي عندك أموال إيه؟ قالي أنا ماعنديش حاجة.. قلتله يعني أنت لما تيجي تعمل مشروع تطور بيه قناة السويس هتعمل إيه؟ قال هروح لوزارة المالية.. ولا بأس لأن ده النظام، قلتله في البلاد اللي زي حالاتنا اللي ظروفه الاقتصادية ما تستحملش، لازم يكون فيه أوعية على جنب والكلام ده عملته في وزارة الصحة”.
وأضاف الرئيس عبد الفتاح السيسي، عن إنشاء صندوق قناة السويس، قائلا: “الصناديق دي كلها ما حدش يصرف جنيه إلا لما يقولي.. وانتوا متعرفوش أنا في الفلوس عامل إزاي”.
أكد الرئيس عبد الفتاح السيسى على أهمية الانتهاء سريعا من الإفراج عن البضائع بالموانئ، قائلا إنه سيتم الانتهاء من مشكلة المستلزمات بالمؤانئ خلال الأسبوعين القادميين.
وأضاف الرئيس السيسي، خلال افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، إن هذة الصناعات ضرورية وليست صناعات ذات رفاهية للمخاطرة بها.
أوضح الرئيس السيسي أن إنتاج فوق أكسيد الهيدروجين يصل فوق 50%، وفي حالة التعامل مع الموردين نتفاجئ بأن الأرقام اختلفت، وبالتالي مصنع فوق أكسيد الهدروجين بحاجة للتحرك لزيادة انتاجة حتى لا تصبح الفجوة 50 % .
مصنع الأسمدة الأزوتية من المفترض أن ينتهي في شهر 12 بجانب 6 مصانع المتواجدة بالسخنة
تابع الرئيس أن مصنع الأسمدة الأزوتية من المفترض أن ينتهي في شهر 12 بجانب 6 مصانع المتواجدة بالسخنة، لكن نتيجة الظروف الدولية حدث تأخر، لكن خلال شهر أو أثنين أو ثلاثة يتم إدخال نحو 700 ألف طن أسمدة ازوتية يجابه التطور الذي نستهدفه وهو 2 أو 3 ملايين فدان خلال سنتين.
وأكد الرئيس عبد الفتاح السيسي، على ضرورة تكاتف الجميع خلال الفترة الحالية، متابعا: “بقول الكلام ده علشان كلنا نتكاتف.. حد يقول ده فرصة نعلي الأسعار وما فيش دولار.. الوقت ده يبرز فيه حرصنا على الناس.. وما نغليش الحاجة على الناس.. بنتكلم في أكل وشرب وحاجات أخري.. وبنعمل مصنع يوفر 700 ألف طن أنتاج مصري نلبي مطالب السوق ولو فيه فرصة للتصدير للخارج.
وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية: “الصودا آش مسار ولما بقولكم فيه أمور غير مسار المناقصة الفنية متكاملة.. لكن المسار بتاع التعاقد.. وزير البترول ونشوف القطاع الخاص والبنوك تمول.. ومش عندنا وقت لتأجيل المصنع ده سنة أو تنين لحد ما مصادر التمويل.. لا.. بستورد بـ 300 مليون دولار.. صودا آش.. وببيعه بالجنيه.. بعملة البلد.. بنشغل ناس ووفر الكمية والدولار.. والناتج المحلي يزيد”.
بدأت منذ قليل، فعاليات افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، وذلك بحضور الرئيس عبد الفتاح السيسي، وبدأت الفعاليات بتلاوة آيات من القران الكريم.