إعداد وتقديم / ميار كمال
تصوير و مونتاج / كامل أمين
بعد ما أنتشرت الأقاويل عن حقيقة فرض رسوم على عمليات السحب ، ومن الممكن أن توصل لـ 50 جنية وأكثر .
حصلت حالة من الخوف والقلق بين الناس “وبدأ كل واحد يتوقع كلام ويقول البنك ده لو سحب مني 5 البنك التاني هيسحب 10 ، طب يعني انا لما اجي اسحب مرتبي هيتخصم مني فلوس ، طب لو أضطريت أسحب من بنك غير البنك بتاعي هيتسحب مني أضعاف أضعاف اللي هيتسحب من البنك بتاعي وكلام واقاويل كتير بقى من دي” .
تواصلت عالم المال مع عدد من المسؤولين وكشفوا لنا ، ان بعض البنوك قامت بتعديل الرسوم الخاصة بها من الـ ATM ، فيما يخص الكريديت كارد زي فيزا المشتريات و الرسوم دي هتطبق لو سحبت منها نقدي ، ولن تطبق في حالة قمت بشراء بها عن طريق الاكتروني او طريقة أخرى وسوف يتم سحب الرسوم القليلة أو من غير رسوم في بعض البنوك ، و في بعض الاحيان البنوك تقوم بعمل عروض كتير لما تشتري من الفيزا زي خصومات او عروض كاش باك وغيرها كتير .
والرسوم دي ملهاش اي علاقة و لاتخص الحسابات الشخصية بتاعت الناس سواء كان حساب ادخاري او توفير .
والمركز الإعلامي لمجلس الوزارة اتواصل مع البنك المركزي المصري ، واللي نفو كل الأخبار ، وأكدو أن مفيش صحة لفرض رسوم جديدة على عمليات السحب النقدي من البطاقات البنكية مسبقة الدفع (Prepaid card) وبطاقات الخصم المباشر (Debit card) من ماكينات الـ (ATM) وبيكون السحب مجاني من غير أي رسوم تحديدا لو هتسحب من الـ ATM التابعة للبنك اللي اتعمل فية البطاقة، ولو هتسحب من بنك تاني فالرسوم مش هتزيد عن الـ 5 جنية.
