“المصرى جدع.. محدش يسيب المكان إلا لما يحقق المستهدفات”
قال الرئيس عبد الفتاح السيسى: إنه جار افتتاح مجمعات صناعية ومنشآت مدنية جديدة، حيث تم إعدادها وتجهيزها وفيه جزء فى الاختبارات النهائية، ويتم التنسيق مع الخبراء الأجانب حتى ننهى هذه المصانع.
ووجه الرئيس السيسى حديثه للمسئولين عن مصانع الغزل والنسيج: هستلم تقريرا بحجم الأعمال والمستهدفات.. المسئولين الكبار على مختلف المستويات.. تابع وانزل واشتبك.. وادخل على المصانع.. واتكلم مع العمال.. المصرى جدع أوى.. .. وابقى قاعد فى مكتبى وسايبه لوحده لا طبعا.. واجيله كل يوم وادخل قبل منه وألف أنا وأشوف الدنيا عاملة إزاى.. كل يوم”.
وقال الرئيس السيسى: القطر بيتاخر يا كامل أكيد لا وبيطلع فى معاده.. والمسئول كل يوم فى معاده.. 6 الصبح يكون موجود قبل العمال.. وآخر واحد يقفل ويمشى.. النجاح يا جماعة.. هو النجاح كده.. محدش يسيب المكان إلا ما يحقق المستهدفات.. ولو فيه مشكلة يحلها أو يعرضها على اللى أكبر منه ومحدش يسيب المشكلة جواه.. هتلاقينى جايلك الساعة 6 الصبح”.
ويفتتح الرئيس عبد الفتاح السيسي اليوم المدينة الصناعية بالروبيكي بحضور الدكتور على عبد العال رئيس مجلس النواب والدكتور مصطفي مدبولي رئيس مجلس الوزراء والمهندس شريف إسماعيل مساعد الرئيس للمشروعات القومية والفريق أول محمد زكى وزير الدفاع والإنتاج الحربي فضلا عن حضور عدد من كبار رجال الدولة والمسئولين ولفيف من القيادات العسكرية والشرطية والإعلاميين.
