لميس الحديدي عن خسارة منتخب مصر: السنغال كانوا أفضل

أعربت الإعلامية لميس الحديدي عن حزنها لخسارة منتخب مصر أمام السنغال بضربات الجزاء 3/1، وعدم الصعود لكأس العالم، قائلة: “مفيش كلام يتقال زعلانين ماتش كان صعب جدًا وكلنا عندنا سيناريوهات مختلفة كان لازم نخلص في القاهرة بجونين، لعبنا شوية كويس وشوية سيء والتشكيل كان في مشاكل من البداية”.

وأضافت “الحديدي” خلال تقديمها لبرنامجها “كلمة أخيرة” على فضائية “أون إي” اليوم الثلاثاء: “ضربات الحظ غريبة محدش يتخيل صلاح وزيزو ومصطفى محمد يضيعوا ضربات الجزاء، بجانب ضغط الجماهير والتحكيم والليزر اللي كان موجود وأزايز المياه والتحكيم كان بيلعب معرفش ازاي”.

وتابعت: “إحنا كان علينا دور برده وإحنا بنعرف نلعب كان ممكن نخلص في القاهرة ونلعب من البداية لعب كويس، هي دي الكورة ألعب واجازف ومخافش”، موضحة: “في إصابات كتيرة واللعب معاهم في فرق في الطول واللياقة البدنية أول ما بنشوف ال 120 دقيقة بنعرف إننا قدام تحدي كبير”.

وأكدت: “السنغال كانوا أفضل حتى لو مقدروش يخلصوا الماتش في الـ 120 دقيقة وإحنا كنا جايبين هدف في القاهرة”، موضحة: “كلنا زعلانين ومدايقين لكن احنا كأبطال أفريقيا سابقًا لازم نلعب أفضل ولازم منخافش ولازم يكون في معسكر وفريق متلاحم بيقرأ بعض بشكل أفضل”.

وأردفت: “مينفعش نكون فريق كبير ونضيع 3 ضربات جزاء أدونا فرصة كبيرة عشان نحقق تقدم، هي دي الكورة ومفيش كلام أقدر أقوله”.