استمع للمقال
نفت أمانى سوكا الزوجة الاولى للاعلامي
المصري عمرو اديب ما تردد على مواقع التواصل الإجتماعى بشأن تركها الاسلام وتحولها
الى المسيحية.
وكتبت على صفحتها الشخصية بموقع التواصل الإجتماعى فيس بوك “انتشرت فيديوهات
بصورة سرطانية علي جميع مواقع التواصل الاجتماعي بتتداول معلومات غير صحيحة اقل ما
يقال عنها تشهير عني و عن والدتي رحمها الله اني تحولت للمسيحية ومن قبلي امي اللي
المفروض انها هربت برة مصر بعد تحولها للمسيحية واللي انا تبعتها في التحول ودي اكتر
حاجة كانت وجعاني لان امي توفت من وانا طفلة صغيرة و مش موجودة علشان ترد”
وتابعت ” انا مكنتش مدية الموضوع اهتمام و قولت انا ديني لربي و الناس
بتهري شوية وخلاص ، لحد ما مؤخرا فيه صديق بعتلي فيديو حديث بناريخ شهر ٧ برضوا فيه
الهرتلة دي و لما دخلت الصفحة الحقيقة ذهلت من التعليقات اللي الناس بتاكد و بحلفوا
ايمانات ان الخبر صح وفوجئت اكتر ان ناس كتير من اصحابي واهلي بيردوا غيبتي وبيدافعوا
وانا ولا دريانة والناس مصرة حتي لما انا دخلت ارد برضه بيكدبوني بمنتهي الصفاقه و
التطاول”
وأضافت “ولما الاستاذة
نشوي تواصلت معايا علي الماسينجر و اعتذرت و اصرت تنزل فيديو تاني بالحقيقة و بعتتهولي
الاول كمان اشوفه قولت اوكيه ماشي ما يجراش حاجة مع العلم انها اخدت الصور بمعرفتها
و حذفت الفيديو القديم و نزلت فيديو جديد و طلبت مني اني اعمل مقابلة ( طبعا انا فاهمة
فكرة السبق وكدة ) بس انا رفضت وقولتلها لو انتوا عندكوا مصداقيه هتنشروا من غير مقابلات
ومع ذلك تم التعديل“
وطلبت من متابعيها نشر الفيديو الذى يتضمن المعلومات الصحيحة عنها وعدم
الانسياق وراء الشائعات المغرضة .
يذكر أن عمرو أديب قد تزوج مرتين، الأولي من السيدة «أماني سوكا» ولديه منها
ولد واحد وهو خالد، وبعد أن انفصلا تزوج من الإعلامية «لميس الحديدي» ولديه منها ولد
هو نور الدين.