استمع للمقالأكد الرئيس عبد الفتاح السيسي، على ضرورة إجراء الكشف الطبي للمتزوجين وفق قانون الأحوال الشخصية الجديد، قائلا: “من إجراءات الكشف الطبي سلامة العقد.. سلامة الشاب قدام سلامة الشابة.. المصداقية والشفافية.. سلامة العقد.. يبقي كدولة قصرت لو ما حافظتش على سلامة القعد”.
وأضاف الرئيس السيسي، خلال كلمته في افتتاح مشروعات قومية جديدة بمحافظة الجيزة: “ده مش منظور أخر ومش طبي أو علشان الإعاقة أو عدم الإنجاب ده نقاش عميق جدا ومحاولة مننا أننا نتواجد ونضع حلول وطرحها بنفس العمق .. مش ناخدها كشف طبي بالطريقة دي.. الدكتور خالد عبد الغفار وزير الصحة.. واتفقنا على شروط الكشف الطبي.. وهنعمل لجنة برئاسة قاضي وتروحلها النتائج مميكنة عن طريق وزارة الصحة إلى القاضي ده لتصريح سلامة التحاليل”.
وأكد الرئيس السيسي، أن الدولة تبذل جهود كبيرة للحفاظ على استقرار أسعار السلع المقدمة للمواطنين بقدر الإمكان. كما وجه حديثه للمثقفين والإعلاميين «كل كلمة ممكن تبقي عنوان كبير.. انتوا فاهمين أن المنتجات الزراعية أو المواد الغذائية تزيد مرتين وثلاثة.. من يستحمل ده.. والبلد كيف تواجه الحالة دي.. وهي تبذل جهود ما أمكن أن الأسعار ما تزيدش».
ومن جانبه قال الرئيس عبد الفتاح السيسي، إن تحليل صحة السلامة الإنجابية؛ سيكون عبارة عن لجنة برئاسة قاضي، وتُرسل لها النتائج مُميكنة عن طريق وزارة الصحة، ومن خلالها يعطي القاضي تصريحًا بسلامة التحاليل.
وتابع الرئيس السيسي: اللي بيقولي أنت بتعقدها.. لا مش بعقدها.. أنا بطمن الأم والأب.. خلي بالك احنا بنعمل إجراءات ليها هدف، والجواز وده أغلظ ميثاق بين الرجل والمرأة.
وأضاف السيسي، أن اللجنة بها قاضي ومعه مستشار يرى الفحوصات، ويؤكد ويعطي الإذن للمأذون لعمل العقد، موضحًا: الاتنين هيبقوا شافوا بالظبط الموقف واتطمنوا وقبلوا بالنتائج دي، مردفا: اللي بيقولي مش خايف إن الناس تلجأ لأسلوب آخر.. أنا أمام الله بشرح وبتكلم، وبعدين بنحاول نعمل مسار.. هذا المسار يؤكد السلامة.
تحدث الرئيس عبد الفتاح السيسي، عن جهود الدولة في دعم إنشاء المصانع من أجل تقليل الاستيراد، قائلا: “المسار اللى بنتكلم فيه لرجال الأعمال.. لما قولت الرخصة الذهبية كان اوفر للوقت.. والكلام للبنوك ما فيش وقت قدام القروض ومستلزمات القرض في موضوع أكيد نجاحه.. مشروع الصودا آش ناجح لأنك تستورد بـ 300 مليون دولار.. لما توفر المبلغ ده لصالح الاقتصاد القومي”.
وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية بمحافظة الجيزة: “ما قدرشي أقول إنك ما تطلبشي دراسات جدوي.. وزارة التجارة والصناعة تقدر تقول للبنك على الأقل تقدم إخطار للبنك أنه نستورد منه كام طن بقيمة كده.. والمصنع ده لما يتعمل هيشيل 50 % من المطلوب أو الكمية كلها”.
وأكد الرئيس عبد الفتاح السيسي، على ضرورة تكاتف الجميع خلال الفترة الحالية، متابعا: “بقول الكلام ده علشان كلنا نتكاتف.. حد يقول ده فرصة نعلي الأسعار وما فيش دولار.. الوقت ده يبرز فيه حرصنا على الناس.. وما نغليش الحاجة على الناس.. بنتكلم في أكل وشرب وحاجات أخري.. وبنعمل مصنع يوفر 700 ألف طن أنتاج مصري نلبي مطالب السوق ولو فيه فرصة للتصدير للخارج.
وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية: “الصودا آش مسار ولما بقولكم فيه أمور غير مسار المناقصة الفنية متكاملة.. لكن المسار بتاع التعاقد.. وزير البترول ونشوف القطاع الخاص والبنوك تمول.. ومش عندنا وقت لتأجيل المصنع ده سنة أو تنين لحد ما مصادر التمويل.. لا.. بستورد بـ 300 مليون دولار.. صودا آش.. وببيعه بالجنيه.. بعملة البلد.. بنشغل ناس ووفر الكمية والدولار.. والناتج المحلي يزيد”.
بدأت منذ قليل، فعاليات افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، وذلك بحضور الرئيس عبد الفتاح السيسي، وبدأت الفعاليات بتلاوة آيات من القران الكريم.