استمع للمقاليعلن الدكتور شوقى علام، مفتى الديار المصرية، في بث مباشر عبر الصفحة الرسمية لدار الإفتاء المصرية على موقع “فيسبوك”، بعد مغرب اليوم الخميس، نتيجة استطلاع رؤية هلال شوال وعيد الفطر المبارك للعام الهجرى 1444.
بث مباشر.. من هنا
كيف تحسب قيمة زكاتك
وأوضحت دار الإفتاء المصرية كيفية حساب قيمة زكاة الفطر بطريقة سهلة وبسيطة وميسرة ولغة عامية، حيث قالت فى منشور عبر حسابها على فيسبوك: “حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب”.
وأضافت دار الإفتاء: “طيب سعر إردب القمح كام ١٧٠٠ جنيه، والإردب فيه ١٥٠ كيلو، يبقى سعر الكيلو كام ١١.٣٣ إحدى عشر جنيه وثلاثة وثلاثون قرشًا، طيب والزكاة أد إيه ٢.٠٤ كيلو، يبقى نضرب ٢.٠٤ كيلو × ١١.٣٣ يطلع الناتج ٢٣.١١، ودار الإفتاء قالت إنه ٣٠ جنيه يعني زودت كمان عن الحد الأدنى بشوية، و ٣٠ جنيه الحد الأدنى يعني طلع أكتر من ٣٠ جنيه لو معاك ودخلك يسمح لك، بس اللى مش هيقدر فأقل حاجه يطلعها عن الفرد ٣٠ جنيه”.
وتابعت: “طيب أنا شايف إن ٣٠ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر، وتخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر”.