استمع للمقالعلق اللواء محمد الشريف، محافظ الإسكندرية، على احتفالات رأس السنة بكوبري “ستانلي”، قائلًا «كنت حزين جدًا أنا بشوف ومهموم، وحزني على المواطن السكندري أكبر من حزني على نفسي وكنت بتخيل، لو أنا كنت موجود وقتها كنت هنزل بنفسي وهمنع ده زي ما عملت المرة اللي فاتت ومكنش الموقف كويس.. وشفت كمان فيديوهات كارفور».
وأضاف “الشريف”، في أول مداخلة له منذ إصابته بفيروس كورونا ببرنامج “آخر كلام”، المُذاع عبر فضائية “أون إي”، أنه يباشر عمله بالكامل عن بُعد في استراحته التي يمكث فيها فترة عزله الصحي، قائلًا «بباشر عملي كاملا من الاستراحة لكن مفيش نزول ميداني لحد مأخف وأنزل وماحدث في ” كارفور أمر سيء جدًا وغير مقبول».
وتابع: «مش معقول الدولة تمشي في إتجاه غير الرئيس ومجلس الوزراء وإحنا نمشي في إتجاه تاني الدولة قامت بتأجيل الامتحانات وعملت كل حاجة وبعدين نشوف مشهد زي ده سواء في ستانلي أو كارفور وكانا نسير عكس إتجاه الدولة وحرصها على سلامة وصحة المواطنين ومن أجل ذلك اصدرت توجيه ووقفت بالمرصاد حتى نزلت الاجياء وباشرت عملها في كارفور واغلقنا 20 محل لعدم إتباع الاجراءات الاحترازية لا من ناحية العدد ولا إرتداء الكمامة».
وأكد أن أي مكاسب مادية لا تساوي شيئًا أمام صحة المواطن، قائلا «الناس والأسر المتزاحمة والشباب في كارفور أو ستانلي مشهد مؤسف الشباب كان فرحان فرحة زائفة بيضحك على نفسه لأنه أول ماهيصاب مش هيعرف يتنفس وهيصيب اسرته».
ونوه بأن «عدد الي كانوا واقفين على الكوبري ليلة راس السنة 2000 أو 3000 لكن عدد سكان محافظة الاسكندرية أكتر من 5 مليون لكن ماحدث يمثل هخطورة كونه بؤرة محتملة ممكن يصيبوا الخمسة مليون الي في البيوت».
واختتم «عدد الي كانوا واقفين على الكوبري ليلة راس السنة 2000 أو 3000 لكن عدد سكان محافظة الاسكندرية أكتر من 5 مليون لكن ماحدث يمثل هخطورة كونه بؤرة محتملة ممكن يصيبوا الخمسة مليون الي في البيوت».